Irailaren 5az geroztik, hiru talde Gazte Mailako Malerrekako Laxoa Txapelketan parte hartzen ari dira: Doneztebe A, Doneztebe B eta Oitz.
Irailaren 5ean Oitz eta Doneztebe Bk jokatu zuten aurrez aurre, eta hilaren 12an, berriz, Doneztebe Ak eta Oitzek. Partidak larunbatetan jokatzen direnez, hurrengo hitzordua asteburu honetan dute, hilak 19. Doneztebeko bi taldeek jokatuko dute, 11:00etatik aitzinera.
Irailaren 26an txapelketako laugarren jardunaldia jokatuko dute Doneztebe Bk eta Oitzek, eta urriaren 3an bosgarrena, Oitzek eta Doneztebe Ak. Seigarren eta azken jardunaldia urriaren 10ean eginen da, Doneztebe A eta B taldeek berriz elkarren kontra ari beharko dute.
Jardunaldi guztiak bukatuta, ligan bi lehenbizikoetan gelditzen ari direnek jokatuko dute finala. Final haundia urriaren 17an izanen da Oitzeko plazan.
Jokalariak
Hauek dira hiru taldeetan ari diren jokalari gaztetxoak, bakoitzean lau:
Doneztebe A taldean, Unai Sapuppo, Josu Inda, Joseba Grazenea eta Aurelio Bertiz ari dira.
Doneztebe B taldean, Xabier Ibarrola, Andoni San Martin, Unai Urroz eta Cristian Chivite ari dira.
Oitzeko taldean, azkenik, Andoni Saldias, Lander Mindegia, Laurendi Zelaieta eta Ibai Iribarren ari dira.