Ospe handiko antzezlana ikusten ahalko da urriaren 2an Lur Berri gelan: Itziar Ituño, Ramon Agirre eta Asier Sota aktore famatuek Herioa eta Dontzeila (neskamea) izeneko obra eskainiko dute 20:30etik aitzinera. Oraingo huntan Ikastolak goi mailako antzerkia antolatu du.
Ariel Dorfman idazle txiletarrak idatzi zuen eleberrian oinarrituz, Roman Polanskik 1994an Herioa eta Dontzeila filmea egin zuen. Geroztik 46 hizkuntzetara itzuli da. Fito Rodriguezek idatzi du euskarazko bertsioa.
Schuberten Herioa eta Dontzeila musika entzutean, Paulina (Itziar Ituño) eritzen da, torturapean pasaturiko sufrikarioa gogora etortzen zaio.
Senarra, Gerardo (Asier Sota), giza-eskubideen alde nabarmendu den abokatua du. Gobernuak diktadura garaiko krimenak ikertzeko batzordearen buru izendatu berri du. Etxerako bidean, Gerardoren autoa panan gelditu da. Eskerrak ezezagun batek, Roberto Miranda doktoreak (Ramon Agirrek), bide bazterrean ikusi eta bere autoan etxera eramateko mesedea egin dion. Baina etxera arribatzean, Paulina ohartzen da Miranda torturatu zutenetako bat izan zela. Hala uste du, behintzat.
Lur Berri gelan izanen da 20:30ean
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun