Irailaren 23an Joaldunen Eguna ospatu zen, duela 15 urtetik honat gertatu den bezala. Aurtengoan, bigarren urtez Ibintza kultur taldeak antolatu du. Joaldunak goizean goiz elkartu ziren Herriko Etxeko arkupetan. Ameztirako bidea hartu zuten herriko trikitilariekin batera, baserriz baserri jotzen ibiltzeko. Ameztiarrek prestatutako gosaria dastatu ondotik herrira jautsi ziren. Lasaga eta Iturengo auzoetan ibili ondotik, aizkora apostua izan zen herriko plazan Esteban Saralegi, Maika Ariztegi eta Kristina Saralegiren eskutik. Gero, herri bazkaria izan zen Herriko Etxeko sabaian. 140 bat lagun elkartu ziren mahaiaren inguruan. Ondotik, Peñagarikano eta Lizasok bertsoak bota zituzten. Eguna akitzeko arratsalde eta gauez dantzaldia izan zen Herriko Etxeko arkupetan Ainara, Arkaitz eta Leireren eskutik.