Donamarian ez dago medikuaren kontsultarik. Behartuz gero Doneztebera jautsi behar dugu, eta horretarako kotxea behar da. Nik, adibidez, ez dut kotxerik eta lagunarekin joan behar izaten dut aldiro. Orain hilabetean behin joatea tokatzen zait. Egia erran nahiko nuke beurek etortzea etxera, bainan urgentziatan bakarrik etortzen dira honat. Nere amatxirengana berriz etortzen dira enfermerak astean behin.
Iruñeko medikua Donezteben hilabetean behin etortzen da. Orduan joan behar izaten dut beregana eta nola ez duten kotxerik errabia ematen dit bilatzen ibili beharrak.
Donamariko jendearentzat molestia bat da Donezteberaino joatea, gainera normalean goizean goiz tokatzen zaigu kontsulta.
Errehabilitazio kontuetarako ere Lesakaraino joan behar izaten dugu, edo gainerakoan Elizondora. Ginekologia ere gauza bera, Elizondon. Beraz, denetarako mugitu behar dugu herritik.