Hemengo Mankomunidadean Areso, Leitza, Goizueta eta Arano sartzen dira. Adineko jendearentzat honako zerbitzu hauek daude: etxez-etxeko zerbitzua eta larrialdietarako telefonoa. Etxez-etxeko zerbitzuan 6 langile gaude, 4 egun erdiz eta 2 egun osoz. Asmoa osasun zerbitzua deszentralizatzea da, zerbitzua etxera eramatea, adineko askok ez baitu etxetik mugitu nahi izaten.
Larrialdietarako telefonoa Ongizate Institutuak jartzen du, hemen Leitzan jende askok dauka eta oso ongi funtzionatzen du. Beraiei lasaitasuna ematen die, badakitelako behartuz gero familiako norbait etorriko dela, eta senideen artean inor lokalizatzen ez bada Osasun Etxetik norbait joanen dela. Iruñeatik ere hilabetean behin deitzen diete ongi dauden galdetzeko, eta hori asko eskertzen dute.
Horretaz gain, pertsona bat kontratatu behar duen gaixoarentzat dirulaguntzak gestionatzen ditugu.
Zerbait hobetzekotan, langile bezala, jendearekin denbora gehiago egon ahal izatea eskatuko nuke, batzutan ordu erdi besterik ezin baikara egon, eta behar duten denbora ezin diegu eskaini.