Pilarika Egunean jokatu zen Oizko plazan gazteen laxoa txapelketaren finala. Baztango bi talde izan ziren finalean: Arraioz eta Irurita A. Iruritak 9 eta 3 irabazi zion Arraiozi, batez ere Gorka Urtasunek sakean erakutsitako trebetasunari esker. Honela, joan den urtean lortutako txapelari eutsi zioten. Arraioztarrak ez ziren ongi egokitu Oizko plaza berexira eta ez zuten txapelketan erakutsitako joku ederra plazaratzerik izan. Talde txapeldunean Gorka Urtasun, Haritz Arraztoa, Joxe Mari Salaburu eta Borja Jaimerena aritu ziren. Arraioztarrekin, Xabier Bengoetxea, Xabier Mihura, Asier Zubigarai eta Sergio Navarro aritu ziren.
Aitzinetik hirugarren eta laugarren posturako norgehiagoka jokatu zuten Doneztebek eta Irurita Bk. Doneztebarrek honako laukotea plazaratu zuten: Julen San Miguel, Jokin Arraztoa, Xanti Mindegia eta Damian Iribarren. Irurita Brekin, Xabier Bazterrika, Xabi Barberena, Jagoba Ramos eta Patxi Obregozo aritu ziren.
Guzira bortz talde aritu dira txapelketa honetan, Oitzek ere bere laukotea atera baitzuen.
Orain, Paxaka txapelketaren antolaketari ekinen dio Laxoa Elkarteak.