Etxalar herri ttikia izanik denok botatzen genuen faltan herrian bertan aparkaleku bat. Duela denboraldi bat Etxeberrigarai ondoan 8 kotxerentzako lekua egin bazuten ere, oraindik toki gehiagoren falta ikusten zen. Arazo honi soluzio bat emateko, udalak eremua bilatu nahi zuen herrian bertan. Hori lortzeko, lur-trukaketaren eskaintza egin zuen: Lizaietan, 860 metro koadro, aduanako etxea barne, herrian bertan zegoen terreno baten truke. Agirre anai-arrebak izan ziren erantzuna eman zioten bakarrak. Hauek, Iñarreta 1 (gizonezkoen soziedadea) eta gibeleko lur eremua trukatzeko prest agertu ziren. Ondorioz, udalaren eskakizuna betetzen duenez, aipatutako eskaintza onartzea erabaki da. Abudo, kotxea uzteko lekua izanen da herrian.