Doneztebeko Osasun Zentroak menopausiari buruzko jardunaldiak antolatu ditu, berrogei eta berrogeita hamabortz urte arteko Malerrekako emakumeei zuzenduak. Jardunaldi hauek lau egunez eginen dira, azaroaren 22, 24, 29 eta 30ean, eguerdiko 12etatik 2,30etara, Doneztebeko pisu tutelatuetan.
Doneztebeko Osasun Zentroko langileekin batera, Elizondoko COFES-Haizeako langileek parte hartuko dute jardunaldi hauetan. Solasaldiak, erlajazio teknikak eta bertzelako ekitaldiak eginen dira jardunaldi hauen barnean. Izena emateko epea azaroaren 13tik 20ra zabaldua dago. Horretarako, Doneztebeko Osasun Zentrora deitu behar da (948 456001 telefonoa) eta Amaiaz galdetu.