Duela bi hilabete eskas Euskara Batzordeak kultur ikusgarri batzuk antolatu bazituen, oraingoan, Zirimolan-ek hartuko dio txanda. Lehenbiziko ekitaldia azaroaren 28an izanen da: familia, afektibitatea eta komunikazioari buruzko hitzaldia"Izargain" elkarteko Teresa Velasco eta Luis Marko psikologoek emanen dute, gaueko 8etan Herriko Etxean. Abenduaren 1ean, berriz, zine arratsa izanen da arratseko 9etan Herriko Etxean. Bertzeak bertze, "A dar ba kar", "Yellow", "The last drink", "Lost-galduta" eta akautzeko "Zulo Beltza" proiektatuko dira. Hauek denak ikusteko 500 pezeta ordaindu beharko da. Eta azkenik, oroitarazi Sarako "Lastiry" jatetxean eginen den bertso-kantu afarira joan ahal izateko Elutsan 2.500 pezetatan daudela txartelak salgai. Hemendik, gonbitea luzatzen dugu, egitan merezi izanen duelakoz.