Eperrak Xerez ardoarekin
Erdi Mailakoa
Prestatzen: Bi ordu
Egiten: Ordu bat
Zenbatendako: 4 lagunendako
• 4 eper garbi • 2 tipul • 3 porru • 2 azenario • 2 baratxuri ale • 10 g. piper beltxa osorik • ardo-ozpina 1/4 dl. • 2 dl. Xerez • tomate bat ondua • erregin sagar bat • litro bat haragi salda edo ura • gatza • piperra
Hasieran barazki guziak zatitan moztu eta olio berotan beratzen jarri poliki-poliki. Gero sagarra eta tomatea gehitu eta ongi potxatu arte utzi egiten.
Eperrei gatza eta piperra eman eta olio berotan ongi gorritu. Lehendik egin ditugun barazkiak gehituko diegu eperrei, eta ozpin eta Xerezarekin busti ondotik, erdira agortu arte utziko dugu sutan. Azkenik saldarekin busti eta egosten utzi.
Egosiak daudenean, eperrak ateri eta pure-egitekotik pasatuko dugu gelditzen den saltsa. Eperrak erditik zatitu eta saltsa horretan jarri. Laguntzeko onddo batzuk; aza-gorria (lonbarda) ardo beltzetan egosia; ogi-xerrak oliotan prexituak…