Badira urte batzuk Doneztebeko Udala Santa Luziako feria berreskuratzen saiatzen ari dela eta aurten ez da guttiago izanen. Abenduaren 13rako egitarau zabala prestatu da. Goizean meza emanen da eta Malerrekako artisauen lanak ikusteko modua izanen da. Joan den urtean bezala, garai bateko jostunei omenaldi xume bat eskainiko zaie eta aurtengoan Patxi Astizek jasoko du seinalea. Ondoren, bertso saioa eskainiko dute Manolo Arotzena eta Bittor Elizagoienek, Estitxu Arotzena gai-jartzailearen erranetara. Arratsaldean, haurrendako txotxongiloak izanen dira.