Erronkari eta Zaraitzuko pistetan eginen diren Aste Zurietan Lehen Hezkuntzako seigarren maila eta Derrigorrezko Bigarren Hezkuntzako lehen eta bigarren zikloko eskualdeko 194 ikaslek parte hartuko dute. Aste hauetan, iraupen eskian arituko dira neska-mutilak, heldu den urteko urtarrilaren 7tik martxoaren 30era. Nafarroako Kirol eta Gaztediaren Institutuak antolatzen ditu aste hauek, Isaba eta Otsagiko Udalen eta Nafarroako Kutxaren laguntzaz. Goizean, iraupen eskia ezagutzeko eta hobetzeko klaseak izanen dituzte eta arratsaldetan bertzelako ekitaldi osagarriak eginen dituzte. Urtarrilaren 7tik 12a bitarteko astetan, Elizondoko San Francisco Javier eta Berako Jesusen Bihotza ikastetxeetako hamalauna ikasle joanen dira Isabara. Egun horietan, Baztan ikastolako 26 ikasle Otsagira joanen dira.
Urtarrilaren 21etik 26rako astean, Leitzako Amazabal ikastetxeko 32 ikasle joanen dira Isabara.
Otsailaren 4tik 9ra, Doneztebeko San Miguel ikastetxeko 44 neska-mutil joanen dira Otsagira.
Otsailaren 25etik martxoren 2ra, Berako Labiaga ikastolako 53 ikasle izanen dira Isaban eskiatzen.
Martxoaren 11tik 16ra, azkenik, Goizuetako Andres Narbarte «Xalto» eskolako hamaika ikasle joanen dira Isabara.