Ehundaka lagun bildu ziren Doneztebeko kiroldegian San Frantzisko egunean, ttipi-ttapa Fundazioak, Doneztebeko Udalaren eta Nafarroako Rural Kutxaren laguntzaz antolatutako neguko moda desfilea ikusteko intentzioarekin. Sarrera libre zen eta jendeak ikusmin handia agertu zuen eskualdeko hemezortzi komertzioen generoa eta lana aztertu eta gozatzeko.
Zehazki, Berako Agara Kirolak, Arantzako Amaia ileapaindegia, Doneztebeko Belen loreak, Elizondoko Estibalitz makilajea, Doneztebeko Ibarrola haur jantziak, Elizondoko Ipingi jantziak, Doneztebeko J.J. Pikabea jantziak, Doneztebeko Juli oinetakoak, Bera eta Doneztebeko Kalash bitxidenda, Doneztebeko Mari Cruz lentzeria, Berako Martzutzak jantziak, Elizondo eta Doneztebeko Mena eta Zaldua argazki dendak, Irungo Mirari premama denda, Doneztebeko Ostiz oinetakoak, Lesakako Ruth ileapaindegia, Doneztebeko Tximeleta jantziak eta Doneztebeko Txirrista haur jantziak izan ziren beraien eskaintza pasarela gainean erakutsi zuten komertzioak.
Desfilean gorputz-makilajea ere ikusgai izan zen eta horrek ere, noski, ikusmin berezia sortu zuen.