Nafarroako txapel guziak irabazi ditu Beti Gazte sokatira taldeak

Lesakako Beti Gazte sokatira  taldeak sekulan inork lortu ez zuen marka lortu zuen iaz, Nafarroako txapel guzien jabe egitea eta txapelketa guzietan tiraldi bakar bat ere galdu gabe gainera. Abenduaren 16an Arbizun jokatu zen azkeneko saioa, 560 kiloko finala. Aresorekin borroka gogorra espero zen, 600 kiloko azken jardunaldian sei minututik goitiko tiraldiak izan baitzituzten elkarren artean Leitzan. Bai­na Arbizun, sendo azaldu ziren lesakarrak eta arazo handiegirik gabe, bi tiraldiak irabazi zizkioten Aresori. Lesa­kako taldea honako zor­tzi­kote honek osatu zuen: Jose Angel Mitxe­le­na, Jesus Mari Telle­txea, Oskar Telletxea, Iña­ki Igoa, Igor Telle­txea, Agustin Zubieta, Alejandro Sarobe eta Pas­cual Taberna. Biga­rren postuan Areso gelditu zen, nahiz eta Txan­treako aurkako lehen tiraldia kasik bortz minutukoa izan. Txantrea izan zen hirugarren eta Imotz laugarren.


Nafarroako zakulari txapelketan Txantreakoak nagusi
Sokatira saioaren ondotik, Nafarroako zakulari txapelketa jokatu zen, hiru hirukoteren artean. Talde bat Txan­trea­koa zen eta bertze biak Beti Gaztekoak.
Txantreako Ramon­txo Balenzuela, Jon Diez eta Xabier Olleta suertatu ziren txapeldun, minutu bat eta 40 segunduko denborarekin. Bigarren postua Beti Gazteko Joxe Telle­txea, Jexux Telletxea eta Bixente Igartzabalentzat izan zen minutu bat eta 46 segunduko denborarekin eta hirugarrena Beti Gazteko Iñaki Igoa, Oskar Telletxea eta Eloi Ordokirentzat, segundu bat gehiagorekin. Kiro­lari bakoitzak 80 kiloko zakoarekin 120 metroko ibilaldia egin behar zuen, hau da, hirukote bakoitzak 360 metro egin zituen.
Dena den sokatirako lau txapelak irabazi ondotik gustora daude lesakarrak. Orain, otsailaren 10etik apirilaren 8ra jokatuko den Euskal Herriko txapelketarako prestaketa hasiko dute.

Agustin ZUBIETA  Beti Gazteko tiralaria

Historian lehen al­diz Nafarroa­ko txapel guziak ira­bazi dituzue. Kontent egonen zarete…
Lehen bizpahiru aldiz lautik hiru ira­bazi genituen, bai­na aurten denak irabazi eta gus­tora gaude, inork ez baitzuen inoiz hori lortu.
Taldean lagun aunitz ari zaretela lanean erran nahi du horrek?
Jendez ongi gabiltza. Ez da errexa 680tik 560 kilora zortzikoteak osatzea, baina 15 lagun gaude tiran.
Orain Euskal He­­­rriko txapelketa. Hor lautik lau lortzea ez da errexa izanen…
Asmoa beti hor dago, baina joan den urtean bezala hiru irabazten baldin baditugu, na­hikoa izanen da.
Aurten ez da Mun­duko txa­pel­ketarik, baina Joku ez-olinpikoen topaketa izanen da Ja­po­nian. Joateko asmoa duzue?
Helburua Japo­ni­a­­­ra joatea izanen zen, baina Federa­zioak hautatzailea paratu du. Euska­di­ko txa­pelketa ira­­bazten zuenak ordezkatzen zuen Eus­kal Herria orain arte. Orain talde bakoi­tzeko tiralari batzuk hartuko di­tuz­te. Gai­nera, en­tre­na­men­duak Ge­txon izanen dira. Polemi­ka handia dago.