«Salatari» berria ateraia da! Lehena baino lodiagoa eta aberatsagoa agertzen zaigu Sarako gazteek sortu agerkariaren bigarren zenbaki hau. Aipagai nagusietan Besta Komitearen lehendakaria den Martin Goienetxeren elkarrizketa proposatua da, bai eta Zazpiak Bat dantza taldearen aurkezpena ere.
Gainera, kirol emaitzak, disko kronikak, Inguma rock taldeari buruzko erreportaia eta bertze gauza ainitz irakur daitezke. Aipatzekoa da artikulu interesgarri bat agertzen dela udan bakarrik ibilki den sos banatzaileari buruz. «Salatari» euskaraz eta frantsesez idatzia da eta herriko saltegi gehienetan ematen da dohainik. Ondoko zenbakia aski fite plazaratu nahi denez, Gaztetxeak oroitarazten du bakoitzaren ekarpena ongi etorria dela, beraz zerbait idatzi nahi baduzue, ez lotsa!
Gaztetxeak antolatu ekitaldiekin segituz, ihauteriak hurbiltzen ari baitira, kantu eta dantza ikastaldiek segitzen dute Gaztetxean ortzirale eta larunbatetan.