Abenduaren 31n, Urte xahar kari, Sara eta inguruko herrietako 40 bat lagun bildu ziren Sarako Herriko Etxearen aitzinean, presoen Euskal Herriratzea galdetuz; bertzeak bertze Bixente Garzia eta Fernando Arburua zugarramurdiarra gogoan edukiz.
Bertzalde, urte hondar hunek berri pozgarri bat ekarri dauku, Sarako bertze presoa, Teresa Telletxea libratu baitute. Abenduaren 16an, hiru hilabetez Fresnesko presondegian atxilotua egon ondoren, herrirat itzuli zen. Orain baldintzapeko askatasunean da auzia gauzatu arte, muga pasatzeko debekua du eta hilabetean bi aldiz Baionako komisaldegira joan beharra du. Herritar guzien partetik ongi etorri.