Orain arte Gazteluko Ostatuan lanean ari zenak utzi eginen duela eta, Gazteluko Ostatua errentan hartzeko lehiaketa deialdia luzatu du Donamariako Herriko Etxeak. Hasierako prezioa, hilabetean 25.000 pezetako errenta da (gehi BEZa) eta proposamenak, urtarrilaren 15eko eguerdiko ordu biak baino lehen aurkeztu behar dira Donamariako udal bulegoetan. Behin behineko fidantza 10.000 pezetakoa da eta lehiaketa irabaziz gero, 100.000 pezetako fidantza jarri beharko da. Beheko solairuko ostatuaz gain, lehen solairuko logelak ere maisterraren esku izanen dira.