Espainia osoko zerri hazleak biltzen dituen Porc D’Or lehiaketan urrezko domina berri bat –laugarren urtez segidan– jaso du Zubialdeako Isidro Bazterrika Mutuberria ittundarrak.
Hogeita hamar zerrama baino guttiago dituzten granjetan, zerrama bakoitzeko urtean jaiotako zerrikume kopuruagatik eman diote sari nagusia Bazterrikari, aitzineko hiru urteetan bezalaxe. Izan ere, banaz bertze 26 zerrikumetik goiti sortzen ditu zerrama bakoitzak Zubialdean, normala 22 denean.