Erreka elkarteak antolatutako Baztan-Bidasoako 9. areto-futbol txapelketako partiduak jokatzen ari dira igande arratsaldero Sunbillako frontoian eta Doneztebeko kiroldegian. Hau leitzerakoan, lehendabiziko faseko lehen itzulia akitu izanen da. Aste hondar honetan atsedenaldia izanen dute parte hartzen ari diren hamasei taldeek eta otsailaren 4an ekinen diote bigarren itzuliari. Lau taldeko lau multzotan banatu dira partehartzaileak eta multzo bakoitzeko bi lehendabizikoek lortuko dute final laurdenetarako sailkapena. Lehendabiziko fasea akitu ondotik, partida guziak Doneztebeko kiroldegian jokatuko dira. Final laurdenak martxoaren 4an jokatuko dira, finalerdiak martxoaren 11n eta finala eta hirugarren posturako lehia martxoaren 18an.
Hau idazterakoan, bortz taldek irabazi dituzte jokatutako bi partiduak: A multzoan Aparan, B multzoan Goizalde eta Titi Ostatuak, C multzoan Basaburuak eta D multzoan Haizegoa ostatuak. Azken hiru txapelketak irabazi dituen Titi Ostatua (argazkian) da talderik golegileena –22–. Donamariako Itxasurak taldeak ez du partidurik irabazi eta gol bakarra sartu du baina, iaz bezala, afiziorik onenari emandako saria lortzeko bidean da.