Haragi behiekin abeltzain franko gaude Baztan aldean. Horietako aunitz analisiak egiteko esperoan daudela badakit, bainan ez dut oraino nabaritu inork egin dituenik.
Analisiak egiterakoan gaitza duen behiren bat agertuz gero ez nintzateke batere harrituko, kasik gehiago harrituko nintzen ez agertzea. Hemen pentsu kontzentratua ibiltzen da aunitz lekutan, eta hoietan azkenik ez dakigu zer sartzen duten. Nik etiketari begiratzen diot batzuetan, zein osagarri dituen, bainan ez dira batere garbi agertzen eta horregatik utzi nion pentsu hori erabiltzeari.
Azken finean politika produktibista baten ondorioa da hau dena. Animaleko produktibismoa egiten da multinazionalekin, eta gero produkzionea kontsumoaren gainetik dago. Orduan merke produzitu behar da eta horretarako kakarekin bazkatu behar.
Lehen ez ginen sobera ongi bainan orain animaleko paliza da esplotazio ttipientzat. Enpresa handiek produktuekin bonbardeatu eta merkatuko prezioekin ito egiten gaituzte. Ez badute politika aldatzen desagertu eginen dira negozio familiarrak.
Akitu nahiko nuke erranez baserri mundu hau bizi kontzeko enpeinu handia jarri beharko litzateke kontsumitzaileen aldetik ere. Bertzenaz hau akabo da.