Boturik gabe 27 elkarte edo klub daudela eta errekurtsoa jarri du Belate kandidaturak Nafarroako Gobernuaren Kirol eta Gaztediaren Institutuan. Pozuetaren kandidaturari egindako eskaintzari dagokionez –batzarrean izanen diren klubetako 32 ordezkariak erdi eta erdi banatzea proposatu zuen Belatek– erantzunaren esperoan daudela adierazi dute. Pilotari, tekniko eta epaileei zuzendutako bilera informatiboa egin zuen otsailaren 2an Doneztebeko zineman Belatek, bertze eskualde batzuetan bezalaxe. Inguru honetako pilota eskola eta elkarte gehienek Belate kandidaturaren aldeko jarrera azaldu dute.