Urtero bezala, Hauste aitzineko asteburuan ihauteriak iragaitekoak dira. Larunbatean, herriko gazteek horien ibilaldia Zahar Etxetik abiatuko dute, gero etxez etxe Elbarrun barna pasatuko dire, Ihalar auzoan goiza finituz, Baratxartean bazkaria izanen baitute. Arratsaldez, Lehenbizkai aldera joanen dira, eguna Herriko Etxeko edantegian finitzeko. Goiz aldera bukatuko da besta, urtero ekartzen duten musika taldeari esker. Igandean, Zazpiak Bat dantza taldeak ikusgarria eskainiko du plazan eta ondotik Zanpantzarren auzia eta erretzea ukanen dugu. Gero, iaz bezala, Olhain ikastolak bazkaria antolatuko du Omordia gelan. Izena eman nahi dutenek Bittori dei dezatela 0559542732 zenbakira. Bertzalde, bigarren urtez herriko hiru eskolek bat eginen dute ihauteri kari. Otsailaren 13an, asteartearekin, arratsaldez haurrek mozorroturik plazan barna ibilaldia eginen dute, gero polikiroldegian elkartuz.