Bertizko Turismo Partzuergoko Merkatal Elkarteak urtarrilaren 22an egindako 50.000 pezetako hiru erosketa bonoen zozketan honako zenbakiak izan dira saridunak: 212.643, Doneztebeko Sorozabal goxotegian banatua; 251.146, Sunbillako Estankoan saldua eta 253.357, Elizondoko Galarregi dendan saldua. Dagoeneko, bi saridun azaldu dira. Sunbillako Estankoan saldutako txartelaren jabea Maria Angeles Hernandorena sunbildarra da eta Elizondoko Galarregin saldutakoarena, Maria Teresa Lasarte elizondarra. Irabazleek Bertizko Turismo Partzuergoarekin kontaktoan jarri beharko dute, erosketa bonoa eman ahal izateko. Txartela Bertizko Merkatal Elkartera bidali beharko du (Bertizko Turismo Zentroa - 31720 Oieregi). Zalantzak argitzeko 948 592323 tel.ra deitu.
Bertzalde, Hiruak-Bat elkarteko Landa etxeek urte bat daramate bere bezeroen artean inkestak egiten. Bezeroek jartzen duten interesa eta denbora eskertzeko, urtean bi aldiz egiten ditu elkarte honek. Urtarrilaren 18an egindako bi pertsonendako astebukaera baten zozketan Iruñeko Rakel Jimenez Garcia suertatu da saritua. Asteburu batez Berako Iratxeko Berean izan zen Rakel.