Herri eta kantonamenduko bozak martxoaren 11n (1. itzulia) eta 18an (2. itzulia beharrez) iraganen dira Ipar Euskal Herrian bezala Saran ere. Herriko hauteskundeen kasuan, lerro hauek idaztean zerrenda bat baizik ez da aurkezten, Jean Aniotzbehere auzapezarena: Berekin bat, Odile Ayez, Elisabeth Azkarraga, Joset Etxegarai, Bittori Etxeberri, Chantal Garat, Tito Gorozureta, Martin Goienetxe, Xan Harriague, Jean Baptiste Indart, Patrick Iribarren, Philippe Ivandeckis, Michel Libier, Annie Londaitz, Jean Louis Ordoki, Hervé Soriano, Jeannot Uhart, Jean Yves Zunda eta Xabier Zunda.
Herriko kontseilariak sei urtetarik hautatzen dira, eta bertze zerrendarik aurkeztuko ez balitz, 1977tuk hunat, lehen aldiz litzateke lista bakarra presentatzen dela Saran.
Kantonamenduko bozak aldiz, 7 urtetarik egiten dira eta hor aise hautu gehiago izanen dugu. Alabainan, karia hortan alderdiak mugitzen hasiak dira eta bilkura publikoak antolatzen dituzte Saran ere. Hala nola, Panpi Dirassar, Ezpeletako kantonamenduko Abertzaleen Batasunak duen hautagaiak otsailaren 26an, astelehenez, arratsaldeko 6etan, Denen Etxeko lehen estaian aurkeztuko dauku bere proiektua. Egun berean, bainan arratseko 9etan Peio Labeguerieren aldi izanen da bere zerrendaren xedeen erakustea.