Datorren udaberrirako Baztan, Bertizarana, Malerreka eta Bortziriak eskualdetan natur kirolak egiteko aukera zabala izanen da. Bidasoa Kultur Zerbitzuak (BKZ), eskualdeko hainbat udal, kirol, kultur eta guraso elkarte, eskola eta bertze taldeekin batera kanpaina bultzatzeko asmoa du.
Abenturako natur ekintza hauek udaberriko sei igande arratsaldetan burutuko dira eta adinei dagokionez, bi igande 8-13 urteko umeentzat zuzenduak izanen dira eta bertze lau igande hamalautik goitikoentzat. Aktibidadeak ere ezberdinak izanen dira, batzuk lasaiak eta bertzeak «adrenalina piztu nahi dunenetzat arras egokiak».
Helburua giro euskaldun batean eskualdeko gazteei aukera zabala eskeintzea da, harremanak estutuz eta gure inguruan ditugun natur baliabideak hobekixeago ezagutuz eta gozatuz. Informazio gehiago nahi izanez gero BKZra deitu (948 592322 telefonoan).