Otsailaren 7an izan zen Arbolaren Eguna Etxalarren. Landagain eskolako haur guziak goizeko 9etan elkartu ziren, Axeri Lepora joateko. Lehen Hezkuntzakoak oinez joan baziren ere, Haur Hezkuntzakoak gurasoen kotxeetan hurbildu ziren bertarat. Aurtengoan, lizarrak eta pagoak landatu zituzten; guzira 46. Haur bakoitzak bat. Egin zuten lana ez zen nolanahikoa izan: zuloak egin, zurtoiak paratu, ingurua garbitu, etab. Hau dena udalaren laguntzarekin egin zuten, eta lana eskertzeko hamaiketako ederra eskaini zien.