Agintaldi berrian emazteek behar zuten toki zabala izanen dute herriko kontseiluan. Gainerat, lehen aldikotz Senperek auzapez-anderea du martxoaren 11az geroz, Christine Bessonart euskaldunberria. Hautatua izan bezain laster erran duenez, pozik da emazteez inguraturik izatea lan egiteko eta entseiatuko da bilkurak arratsetan antolatzea den-denek parte hartzeko gisan. Bere ustez, langile eta ama direnek ongi eskertuko dute seguraski. Girixtino-demokratatzat du bere burua alderdikide ez den 46 urteko auzapezak. Proiektu andanaren artean haurtzaindegi berria eraikitzea da bere lehen xedeetan. Hemen dituzue herriko bozetako emaitzak:
Boz-emaileak orotarat: 3295
Boz-emaileak: 2548
Bali diren bozak: 2426
Parte hartzea: %77.
27 alkiak hola banatu dituzte: Christine Bessonart %52, 21 kontseilari; Christian Fourgeau %33, 4 alki; Pierre Iturria % 15, 2 alki.