Aurten ere San Josepe eskola pribatuak Haurren Bestan parte hartuko du. Apirilaren 1ean, igandearekin, Hazparnen Mendeola sala berrian (Intermarché ondoan) arratsaldeko 3etan iraganen da. Besta hau Euskal Haziak (eskola pribatuen elkarteak) Mixel Labegueriren omenaldi gisa antolatu du oraingoan. Euskal kantari eta olerkari haundi honen omenez hor izanen dira bere bi seme Peio eta Eneko Labeguerie eta Erramun Martikorena. Kantari hauen ondoren haurrek Labegueriren lau kantu abestu beharrak dituzte. Arratsaldea behar bezala finitzeko «Azkonak» pailaso taldeak bere azken emanaldia eskainiko du.