Igande honetan, martxoak 25, eguerdiko 12ak aldera jokatuko da Aurtizko Ostatuak laugarren urtez antolatutako eskuz binakako pilota txapelketaren finala, auzoko Koianea Ttikia pilotalekuan. 11etan jokatuko da hirugarren posturako lehia eta ondotik izanen da final nagusia. Hamabi bikotek hasi zuten aurtengo txapelketa eta joan den igandean jokatu dira finalerdiak: Retegi eta Olazabal beratarrak, Altzugarai eta Ordokiren kontra, alde batetik. Bertze aldetik, Agesta eta Errandonea, Mugikaren ordez aritzekoa zen Matxitene eta Makatzene lesakarren kontra aritzekoak ziren.