Iñauterien gehiegikeriak leuntzeko asmoz, gazte talde handi bat bilduko da gimnasia egitera, musikaren erritmora. Andre Mari elkartearen bidez Itxaso Olaskoaga irakasleak antolatu du herriko gazteengan interes handia sortu duen ikastaro arrakastatsua. Hori, apuntaturiko 20 gazteek (denak neskak) erakusten dute. Astean bitan biltzen dira Landagain eskolako patio itxian 18:15etatik 19:15ak bitarte. Momentuan astearteetan eta ortzegunetan ari badira ere, astelehenetara eta ortzegunetara pasatzeko intentzioa dute. Hala ere, ez dira gazteak gimnasia egiteko gogoa duten bakarrak. Emakume batzuk ere pentsatua dute talde bat sortzea. Dena den, ikastaroa irekia dago apuntatu nahi duen guziarentzat, beraz oraindik garaiz zaude!