Larunbat honetan, irailak 22, ospatuko da Iturenen Joaldunen eguna. Goizeko 10etan, joaldunak eta herriko trikitilariak Ameztian baserriz baserri ibiliko dira eta eguerdian herrira jautsiko dira. Bien bitartean, herriko karriketan Berako Larrakaitz txaranga ibiliko da.
Ordu batak aldera aizkora apostu ikusgarria izanen da herriko plazan. Mikel Mindegia eta Jose Mari Olasagasti, bi txapeldun haundiak, aurrez aurre izanen dira. Mindegiak txapelketetan gehiago parte hartuko ez duela kontuan hartuz, zubietarra eta igeldoarraren arteko lehia ikusteko aukera paregabea izanen da. Aizkora saioaren ondotik, Xabier Amuriza eta Mañukorta bertsolariak ariko dira. Arratsaldeko 3etan bazkaria izanen da herriko etxeko sabaian. Eguna giro ederrean akitzeko, arratsaldez eta gauez dantzaldia izanen da Mikel