Marta Loredo Olaiz, 28 urteko iruñarrak irabazi du Bertizko Natur Parkearen lehen margo lehiaketa «Descubriendo Bertiz» taula gainean egindako olio-lanarekin, honela 3 milioi pezetako saria sakeleratuz. Epaimahaiaren erabakiaz gain, uztail, abuztu eta irail hasieran parkea bisitatu dutenen iritzia ere kontuan hartu da saria ematerakoan. Guzira 208 margolan aurkeztu ziren lehiaketara honetara eta horietatik 27 aukeratu ziren erakusketan parte hartzeko. Azken hauetatik bi bakarrik ziren eskualdeko margolariek egindakoak: Garbiñe Larralde Urkijo lesakarra eta Adrian Labadie etxalartarrarenak.