Ikasturte berria hasi dute gure haurrek. Aurten aldaketa nabarmenena, zortzi urtez zuzendari izan den Anabel irakaslea gan zaigula da. Beharrik iazko bertze bi irakaslek errepikatzen dutela (irakasleen aldaketa urteroko arazoa da). Halere arazo guztien gainetik irakasleek ilusio aunitz eta laneko gogoa erakusten dute. Ikasturte honetan ez da Ustaritzeko piszinara gaterik izanen, ibiltarien ordutegiekin arazoak izan direlakoz, baina heldu den ikasturterako erreserba egina da. Gaiarekin segituz, ikasleek eginen duten hurrengo irteera urriaren 26an Elizondoko ferietara izanen da. Aipatu ere ikastaroak antolatu direla: idazmakina eta informatika (3. mailatik goiti) eta ingelera. 6 ikasle berri hasi dira eta denetara bi eskoletan 40 haur daude: Zugarramurdiko eskolan haur hezkuntza eta 2. maila arte; eta Urdazubikoan 3. mailatik DBHko 2. mailara (asteazkenetan Lekarozko institutura gaten dira hauek amankomunak diren ikasgaietara, teknologia eta musika).