Denboraldi bikaina egiten ari den Iñigo Lasaga etxalartarrak azken urteotan Fernando Etxegarai beratarraren soinean zegoen txapela bereganatu zuen abuztuaren 23an. Bero haundiari aitzin eginez, Lasagak Sarako Kontrabandisten Lasterketa irabazi zuen, 43 minutu eta 27 segundoko denbora eginez. Etxegaraik ezin izan zuen bere bosgarren garaipena lortu, nahiz eta ibilbideko punturik altuenera, Zazpi Fagoetara, ailegatzen bera izan lehena. Etxalartarrak baino 19 segundo guttiago behar izan zituen tontorra ukitzeko, baina gero, ordura arte antzeman ez zituen oinazeak somatzen hasi zen –zuntz haustura– eta oinez bukatu zuen bidea. Hirugarren postua eskuratuz, eskualdeko bertze kirolari batek podiuma zapaldu zuen: Iñaki Pikabea beratarrak.
Aipatzekoa da, kirolari batzuk ospitalera eraman behar izan zituztela beroagatik.
SAILKAPENA
|