Duela sei bat urte, saneamendu lanen gastua ordaintzeko pinua atera zen Zaibide inguruan. Orain, inguru horretan berriz ere pinuak landatzeko, eremua garbitu eta itxi, eta pistak moldatzeko proiektua egin du Udalak. Aurrekontu handi samarra duenez, 12 milioi ingurukoa, puskaka egitea erabaki du Udalak. Orain itxi eta landatu egingo dute bakarrik, 3.500.000 pezetako aurrekontuarekin. Lanak enkantera atera eta bi enpresa aurkeztu ziren. Eskaintzarik onena Oiartzungo Berdabio Basogintza enpresak egin zuen, 2.615.000 pezetaren truke eginen baitu lana. Urtea bukatu baino lehen hasiko dira.