Urteroko ohiturari eutsiz, Arkupeak erretiratuen elkarteak, Nafarroako Kutxaren laguntzaz egiten duen urte akabailako besta Donezteben eginen da aurten ere. Abenduaren 13an, eguerdian, hildako bazkideen aldeko meza izanen da elizan. Txomin Garmendia eta Bittor Elizagoien bertsolariak ere bertan izanen dira. Felipe Ganboa lehendakariak urteko ekitaldiak aztertu eta heldu den urterako prestatu den egitarauaren berri emanen du. Agintarien solasen ondotik, bazkaria izanen da Bordatxon, Argetasko Moderno jatetxeak emana. Fritoak, otarrainskak, arrain zopa, umerria ensaladarekin, pastel txikiak, txanpaina, ardoa, ura, kafea eta edariak izanen dituzte menua. Bazkalondoan dantzaldia izanen da eta zozketa eginen da. Autobusak bueltan arratseko 7,30etan abiatuko dira.