Hiru urteko lanaren ondotik kalean da Ezkurrako etxe, baserri eta borden argazki bilketa liburua. Zutik, egoera txarrean edo desagertuta dauden baserri, borda eta etxeak ageri dira, bakoitza bere izenarekin. Fernando Etxeberria eta Juan Jesus Sukuntzaren lana da eta helburua existitu zirela nonbait jasotzea izan da.
Hiru atal nagusi ditu liburuak: lehenengoan herriko historiaren laburpena ageri da; bigarrenean probintziako eta herriko artxiboetako dokumentu batzuk ageri dira; eta hirugarrenean eraikinen argazkiak eta izenak ikus daitezke, eta zenbaiten historia ere bai.
Liburuaz gain, DVD bat ere argitaratu dute, argazkiz hornitua. Egileen nahia, liburua herritar guztien eskura ailegatzea litzateke, baina 70 ale baino ez dira editatu gastu haundia delako.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun