Berrikuntza nabarmenekin hasiko du denboraldia Errekako seniorren taldeak: entrenatzaile berriekin. Urteetan talde nagusiko entrenatzailea izan den Txomin Mindegiak agur erran die seniorrei eta bere ordez, Dani Urrotz gazteluarrak eta Iban Ezkurra donamariarrak hartu dute lekukoa. Ttikitatik Errekako jokalariak izandakoak dira biak, baina aitzineko denboraldian belauneko lesioak tarteko taldea utzi behar izan zuten. Sunbillan bizi den Juanjo Ramos baztandarraren laguntza izanen dute. Azken honek ere taldea aitzineko denboraldian utzi zuen.