Lesakatik Elizondoraino eramanen duen gasbideko lanen barrenean, sunbildarrak izanen gara gas naturala etxean izanen dugun lehenak. Abuztuaren 25ean frontoian egindako bileran jakinarazi zenez, herriko 200 familia baino gehiagok izanen dugu zerbitzu honetara sarbidea.
Aipatu bileran, Paco Errandonea alkatearekin batera, Jose Antonio Ayesa Nafarroko Gobernuko Industria Segurtasun Zerbitzuko zuzendaria, Angel Boillos Gas Navarrako zuzendari nagusia eta Celestina Lopez, enpresa bereko zuzendari komertziala izan ziren azalpenak ematen. Herriko gasifikazio faseen berri eman zuten eta udazken hondarrerako zabalduko dela adierazi zuten.
Gas Navarra enpresak 260.000 euro inguru inbertitu omen ditu dagoeneko herrirako beharrezkoak diren azpiegituren eraikuntzan.
260.000 euroko inbertsioa egin omen du Gas Navarrak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun