Etxalarko lehen Erraldoi Topaketa antolatu du Altxata elkarteak abuztuaren 8rako, larunbaterako. 11:30ean herriko plazan elkartuko dira Doneztebe, Elizondo, Oiartzun, Hondarribia eta Etxalarko erraldoiak. Ondotik, herrian barna itzulia emanen dute musika soinuarekin.
Bazkaria, bazkalondoa eta gaupasa
14:00etan bazkaria eginen dute erraldoi dantzariek eta musikariek. Arratsaldean, berriz ere, herriko karriketan barna ibiliko dira giroa alaituz. Ilunabarrean, frontoian taloak eta bokatak izanen dira, musikarekin girotuta. Gauerditik aitzinera, gaupasa izanen da Zozongo Batukada, Bisai, Kuber eta Luz de Putas taldeekin eta DJ Zurtairekin.