Nafarroako bigarren mailako aizkolari txapelketaren kanporaketa jokatuko da ekainaren 27an, larunbat arratsaldeko 17:00etan Doneztebeko Bear-Zana plazan.
13 aizkolari
Kanporaketa honetan parte hartuko duten 13 aizkolariak hauek izanen dira: Luis Mª Belarra (Doneztebe), Juan Jose Erdozia (Etxarri Aranatz), Juan Telletxea (Doneztebe), Jesús Etxeberria (Beintza Labaien), Xabier Ariztegi (Etxalar), Xabier Mindegia (Beintza Labaien), Sergio Mandazen (Garralda), Arkaitz Olano (Leitza), Jon Telletxea (Beintza Labaien), Daniel Vicente (Otsagi), Jon Rekondo (Leitza), Oihan Larretxea (Bera) eta Patxi Mindegia (Zubieta). David Amilllano altsasuarrak ez du parte hartzerik izanen, lesio baten ondorioz.
Finala Elizondon uztailaren 26an
Aizkolari hauek bi kanaerdiko eta 60 ontzako bat moztu beharko dute. Kanporaketa honetan sailkatzen diren lehen 5 aizkolariak finalerako txartela lortuko dute. Finala uztailaren 26an jokatuko da Elizondon. Azken bi sailkatuak berriz, printzipioz maila galduko dute, baina David Amilanorekin jaitsiera kanporaketa jokatzea eskatu dezakete.