Europako Parlamenturako hauteskundeak egin ziren ekainaren 7an eta orokorrean eta eskualdean ez zuten arrakasta haundirik izan. Banaz bertze, %63,75eko abstentzioa izan zuten Ttipi-Ttapak Hego Euskal Herrian hartzen duen eremuan, eta %40,67koa Ipar Euskal Herriko eremuan. Zenbait herritan, hirutik batek bertzerik ez zuen eman botoa. Eskualde osoan, parte-hartzeak abstentzioa gainditu zuen herri bakarra Goizueta izan zen, %54,13ko partehartzearekin. Datu guztiak aintzat hartuta, Hegoaldean, Iniziatiba Internazionalista izan zen botatuena eta Alderdi Popularra bigarren indarra. Eskualdez eskualde, Bortzirietan eta Leitzaldean ere bai. Alderdi Popularra Baztan, Urdazubi, Zugarramurdi eta Bertizaranan eta Malerrekan herriaren arabera, datuak diferenteak izan ziren. Azkainen eta Senperen, bertzalde, UMP alderdia izan zen bozkatuena eta Saran, aldiz, Euskal Herriaren alde. Nabarmentzekoa, halaber, Europe Ecologie alderdiak izandako gorakada, hirugarren indar izatera pasatu baita eta alderdi sozialistaren beherakada.