Nafarroako Bertsozale Elkarteak antolatuta, 14 eta 18 urte bitartekoen Nafarroako Eskolarteko Bertsolari Txapelketaren finala jokatu zen maiatzaren 30ean Donezteben. Iaz bezala, Saioa Alkaiza iruindarrak jantzi zuen txapela. Saio dotorea egin zuen eta horri esker iaz Iruñean lortutako lehen postua eskuratu zuen berriz. Txapeldunordea ere iazko bera izan zen, Josu Sanjurjo lesakarra. Biek ordezkatuko dute Nafarroa ekainaren 20an Altsasun jokatuko den Euskal Herriko txapelketan. Doneztebeko saioan 60 lagun elkartu ziren eta haien aurrean etorkizuneko bertsolariak direla erakutsi zuten gazte hauek: Saioa Alkaiza, Irati Majuelo, Haizea Beruete, Patxi Castillo, Ioar Tainta, Josu Sanjurjo, Irati Arrieta, Maialen Belarra, Egoitz Gorosterrazu eta Amaia Elizagoien.
Josu Sanjurjo lesakarra eta biek Euskal Herriko txapelketarako txartela lortu dute
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun