Ekainaren 20an, aspaldiko ohitura berreskuratu nahian, Sanjuan bezperako afaria eginen da Aurtitzen. Garai batean, bazkaria egin ohi zen Beteneko atarian. Aurten, ordea, afaria izanen da eta apuntatu nahi duenak ekainaren 14a baino lehen Aurtizko ostatuan egin beharko du. Aurrerapen gisa 10 euro utzi beharko dira. Egitaraua oraindik zehaztu gabe baldin badago ere, arratsaldez hainbat ekitaldi izanen dira eta herriko trikitilari eta txistulariek eguna alaituko dute. Unai Apeztegiari ere omenaldi ttiki bat eginen zaio. Eguna behar bezala akitzeko afaldu ondotik dantzaldia izanen da Joxe Angel akordeoilariarekin.
Apuntatzeko azken eguna ekainaren 14a izanen da
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun