Inguru honetan gehiengoa duten sindikatuek deitutako greba jarraipen zabala izaten ari da eskualdean. Industria arloan, batez ere, kasik erabatekoa da greba eta lantegi handienak, Lesaka eta Legasako Arcelor, Zalain Transformados-Condesa, Funvera, Savera eta bertze hainbat guziz itxiak daude. Zalain eta Alkaiaga industrialdetan langileen %90a baino gehiago greban dela aipatu dute ELA eta LABeko iturrietatik.
Malerrekan ere segida zabala
Malerreka aldean ere, Aparan industrialdeko lantegiak erabat itxiak daude. Goizeko arazo bakarra, hain zuzen, Donezteben gertatu da. Informazio piketeak herrigunera sartu nahi izan dute, komertzioetan informazioa banatzeko, baina Guardia Zibilak hori eragotzi eta zuzenean industialdera sartzera behartu ditu langileak.
Leitzaldean Sarrio itxia
Leitzaldean grebaren segida erabatekoa izaten ari da. Leitzako lantegirik handiena, Sarrio, erabat itxia dago, eta komertzio eta ikastetxe guziak ere itxiak daude, Goizuetan eta Areson bezalaxe.