Nafarroako Enplegu Zerbitzuak, azken urte hauetan bezala, diru laguntza eman du langabezian dauden pertsonak kontratatzeko. Dirulaguntza hau langilearen kontratazio gastuak ordaintzeko izaten da, herriarentzat intereseko diren lanak eta zerbitzuak egiteko. Aurten herriak hartuko duen kopurua 12.000 euro ingurukoa izanen da.
Aitzineko urtean, herri bazterrean dagoen labaderoa konpondu zen, argazkian ikusi daiteke zein ederki gelditu zen, eta horri segituz, aurten ere, baserri inguruan dagoen bertze labadero baten konponketari ekinen zaio, bertze lan batzuk eginen badira ere, astirik ematen baldin badu.
Horretarako, hiru langile hartuko dira, ofizial bat eta bi laguntzaile, bi hilabatete eta erdirako.
Deialdia ekainaren erdi aldera aterako da, kontratua uztaila, abuztua eta irailaren erdia arte lan egiteko izanen baita.