Jaione OTXANDORENA Joan den urtean izandako arrakasta ikusita, aurten ere Ulibeltzak Elkarteak ardandegi batera ateraldia antolatu du, Señorio de Sarriara, hain zuzen. Datorren ekainaren 13an izanen da eta hau da egun horretarako prestatu duten egitaraua:
Egitaraua
11:00etan autobusa aterako da Fonda ostatuaren ondotik.
13:00etatik 14:00etara bisita eta kata Señorio de Sarria bodegan.
14:30ean bazkaria. Bazkarirako menua ondorengo hau izanen da: etxeko aperitiboa, potxak edo pulpo entsalada epela. Bildotsa txilindron erara edo ajoarrieroa. Postretarako goxua, kafea eta moskatel kopa. Ardoak, berriz, Señorio de Sarria Crianza, Señorio de Sarria Rosado ea Señorio de Sarria Chardonnay.
Izen-ematea ostatuetan
Egun horretan parte hartu nahi duenak aitzinetik eman beharko du izena. Ekainaren 5a baino lehen herriko ostatuetan jarritako zerrendetan egin beharko da eta izena emateko orduan 10 euro ordaindu beharko dira, horixe baita autobusaren balioa. Bazkaria, berriz, bodegan bertan ordainduko da, eta 32 euroko balioa du.