Malerrekako Gazte Asanbladak antolatuta Gazte Eguna eginen da larunbat honetan, maiatzak 2. Aurtengoa bigarren edizioa izanen da eta joan den urtean bezala, Donamarian eginen da. Iazko bestak izan zuen arrakasta ikusita aurten berriz egitea erabaki du Gazte Asanbladak. Inguruko gazteak elkartzeko, goizean goizetik hasita gisa guztietako ekitaldiak prestatu dituzte.
Egitaraua
10:00etan hitzaldia: Krisia eta kapitalismoa gaiaren inguruan.
11:30ean herri kirolak denek parte hartzeko.
13:00etan dantza aereoak.
14:00etan bertso bazkaria, Iker Gorosterrazu iturendarra, Jon Elizetxe gartzaindarra, Ander Fuentes Itturri zubietarra eta Maialen Belarra doneztebarrarekin.
18:00etan kalejira soinutxua.
21:00etan txalapartariak.
21:30ean kontzertuak talde hauekin: Ufestuek (Erratzu), Mugalariak (Lekaroz, Elizondo, Donamaria eta Goizueta), Txarralde (Agoitz) eta Aizkor erauntsia (Urdazubi, Zugarramurdi eta Elizondo).
Ondotik gaupasa Garraxi taldearekin (Leitza, Ultzama eta Ituren).
Antolatzaileen oharrak
Bertso bazkarian parte hartu nahi duenak sarrera aitzinetik erosi beharko du, Doneztebeko Ekaitza ostatuan edo Donamariako ostatuan. 12 eurotan salgai daude. Horrez gain, ilunabarrean, 20:00etatik aitzinera, ogitartekoak salgai egonen dira. Bertzalde, antolatzaileek ez dute sarrerarik kobratuko kontzertuetarako, baina borondatea eskertzekoa izanen da.