Igeldoko Lezkarri Abesbatzak Doneztebeko San Pedro elizan emanaldia eskainiko du larunbatean, apirilaren 25ean, arratseko 20:30etik aitzinera, Mendi Abesbatzak antolatutako ekitaldian. 2004an egin zuen bere lehen emanaldia Lezkarrik Igeldon eta geroztik lanean ari dira. Doneztebeko elizan Kote de la Granjaren zuzendaritzapean aurkeztuko duten kantaldiak "Igeldotik......Afrikara" izenburua dauka eta bi zatitan banatua dago.
Euskal Herriko kantuak
Lehenbizikoan euskal kantuak eskainiko dituzte, Alexander Desbordes-en “Kantuz” eta “Lili bat ikhusi dut”, Juan de Urteagaren armonizazioa duen “Itxasoa”, Pedro Sorozabalen “Maite” eta Noel Estradaren “En mi viejo San Juan”.
…eta Afrikakoak
Bigarren zatian, berriz, Afrikako abestiak eskainiko dituzte. “Siyahamba” zuluen kanta; “The lions sleeps tonight” hegoafrikar Fol. Kantua, “Zangalewa” kamerundar kanta eta Enoch Mankavi Sontongaren “Nkosi Sikelel’ Africa”.