Baztan-Errekako hogeita hamargarren laxoa txapelketako bigarren jardunaldia jokatu zen aste hondarrean. A multzoanm, Oitz Bk 9 eta 2 irabazi zion Hondarribiari Hondarribiako plazan eta Doneztebe Bk 9 eta 4 irabazi zion Irurita Cri Bear-Zanan. B multzoan, Doneztebe Ak 9 eta 7 irabazi zion Arraioz Bri Bear Zanan eta Irurita Ak hutsean utzi zuen Arraioz A Iruritako plazan.
Doneztebe B eta Irurita A sailkapen buruan
Honela, A multzoan Doneztebe B dago sailkapen buruan 6 punturekin, jokatutako bi partidak irabazi baititu, arerioei sei joku egiten utzi gabe. B multzoan bertze horrenbertze egin du Irurita Ak eta talde hau dago sailkapen buruan.
Aurrerako pilotarien emaitzak
Aurrerako pilotariek ez zuten emaitza onarik lortu Ostiral Santu egunean Irurtzungo txapelketan. Infantil mailan, Mitxaus eta Barberenak 4 eta 18 galdu zuten eta kadete mailan, Xabier Jaunarenak eta Hernandorenak 6 eta 18 galdu zuten.
Elgetako txapelketan. Aldiz, Jon Jaunarenak 22 eta 2 irabazi zion Etxeberriari.